один день

Отчет о проведении смотра песни и строя и военно-патриотической игры «Один день из армейской жизни»

26 Февраля 2016 г. Илья Дорофеевич Винокуров-Чаҕылҕан аатынан Нам начальнай оскуолатыгар патриотическай месячник чэрчитинэн араас тэрээһиннэр ыытыллаллар. Ол курдук кылаас чаастара, олунньу 25 күнүгэр стройунан хаамыы уонна ырыа көрүүтэ буолан ааста. Олунньу 26 күнүгэр иккис сылын «Один день из армейской жизни» диэн уолаттарга аналлаах бэрт интириэһинэй оонньуу буолан ааста, оонньууга иккис, уһус, төрдүс кылаас уолаттара кыттыыны ыллылар. Оскуолага ыытыллар улахан тэрээһиннэргэ селобут уонна улууспут атын оскуолалара кыттыыны ылаллар. Бу күн аһыллыытыгар Нам иккис нүөмэрдээх орто оскуолатын 9 в кадетскай кылааһа, салайааччы Егор Иннокентьевич Бочонин кэлэн строевой подготовка, автоматы хомуйуу көрдөрдүлэр. Командирдар Россия былааҕын көтөхтүлэр. Оонньуу аһыллыытын кэннэ аҕалар, оҕолор армейскай аһынан эбиэттээтилэр. Ол кэнниттэн оҕолор алта этэрээккэ арахсан станцияларынан сылдьан элбэҕи биллилэр-көрдүлэр. «Мужество» станцияны оскуола выпускнига, Республика масс тардыһыытын уонна хапсаҕай күрэх кыайыылааҕа, «Дыгын оонньуута» күрэх финалиһа, МЧС улэһитэ Антон Петрович Тойтонов чөл олохтоох эр киһи бигэ туруктаах буолуутун, масс тардыһыы кистэлэннэрин сиһилии кэпсээтэ, көрдөрдө.

«Булчут сүбэтэ» станцияҕа улууспут Сивцев аатынан этнографическай музей үлэһитэ Федоров Рустам Леонидович булчут туох кистэлэннээҕин,  тыаҕа, сиргэ сиэр-туом тутуһуутун, бэрт умсугутуулаахтык кэпсээтэ, хаартыска, видео көрдөрдө.

 «Мужское дело» диэн станцияҕа оскуола учуутала Станислав Яковлевич Андреев тутууга туттуллар малы-салы көрдөрдө, эр киһи хайаан да сатаан уһанар буолуохтааҕын эттэ, манна уолаттар тоһоҕо саайан, лобзигынан масс эрбэтэн, шуроповерунан туттан холонон көрөн дуоһуйа астыннылар.

«Стрельбище» станцияны Андреев Сергей Анатольевич ыытта, бу сырыыга уолаттар противогаз кэтэн көрдүлэр, воздушканан сыал ыттылар уонна граната, автомат, миномет курдук военнай тэриллэри билистилэр, бу тэриллэри барытын  Хатын-Арыы орто оскуолата иккис сылын уларсан күүс-көмө буоллар.

 «Физическая подготовка» станцияны физкультура учууталлара ыыттылар, уолаттар тардыныыга, сиртэн анньыныыга, гантел көтөҕүүгэ, пресс хачайданыыга, сүүрүүгэ бэйэлэрин боруобаланнылар.

«Военная академия» станцияҕа Россия сэбилэниилээх күүстэрин, символлар туһунан сиһилии билистилэр, станцияны учуутал Васильев Айсен Робертович ыытта.

Оонньуу иккис чааһыгар «Мозговая атака» диэн интеллектуальнай конкурс буолла. Бу туһумэххэ «Военная академия» станцияҕа ылбыт билиилэрин чинэтэн араас заданиялары толордулар, аҕаларга туспа викторина ыытылынна. Уһус туһумэххэ бириэмэҕэ этэрээттэринэн  военизированнай эстафета буолла.

Түмүккэ уолаттар строевой хаамыы көрдөрдүлэр. Уопсай үс көрүн түмүгүнэн «Подводниктар» командалара кыайыылаах таҕыста.

Бу курдук патриотическай месячник чэрчитинэн ыытыллыбыт тэрээһиннэр сыллата киэҥ эйгэни хабан, сэргэхтик уонна үчүгэй тэрээһиннээхтик ыытыллаллар.