Неделя як языка

Оскуолабытыгар олунньу 9-14 күннэригэр саха тылын нэдиэлэтэ төрөөбүт тылбыт бараммат  бар5а баайын  о5олорго тиэрдэр   сыаллаах  улуустаа5ы  О5о библиотекатын кытта бииргэ үлэлэhэн ыытылынна.  Нэдиэлэ чэрчитинэн  о5олорго төрөөбүт төрүт  тыл туhунан кылаас чаастара,   «Саха тылын бастыҥ билээччи» олимпиада (2-4 кылаастарга),   «Чообуо чыычаахтар» чабыр5ахсыттар күрэхтэрэ (1-4 кылаастарга), «Баhыыба,  Буукубаар!» (1 кылаастарга); төрөппүттэргэ  «Толкуйдаа. Оонньоо. Кыай.» интеллектуальнай  оонньуу,  «Саха  суруйааччылара - о5олорго» презентация күрэ5э; учууталларга  «Остуол оонньуута» маастар кылаас бэрт сэргэхтик  буолан аастылар.

«Саха тылын бастыҥ билээччи» олимпиада кыайыылаахтара:

2 кылаастарга 

I миэстэ –  Колесова Настя, 2 «а»

II миэстэ – Окоемов Артур, 2 «в»                                           

III миэстэ – Сивцева Саймыына, 2 «б», Николаева Карина, 2 «в».

3 кылаастарга 

I миэстэ – Охлопкова Милена, 3 «б»

II миэстэ – Кокарева Айгылаана, 3 «б»

III миэстэ – Румянцев Стас, 3 «а»

4 кылаастарга 

I миэстэ – Сыромятников Алеша, 4 «б»

II миэстэ – Матвеев Вадим, 4 «а»

III миэстэ – Колмогорова Арина, 4 «а»

«Чообуо чыычаахтар» чабыр5ахсыттар күрэхтэрэ быйыл саҥа аhыллыбыт «Олоҥхо» дьиэтигэр ыытылынна. Yгүс о5о саҥа сылдьан сө5ө – махтайа көрдүлэр.  

Кыайыылаахтар:

Гран при хаhаайынынан 4 «а»  кылаас чабыр5ахсыт кыргыттара буоллулар.   

I миэстэни  2 «в», II миэстэни 3 «а»,  III миэстэни  2 «б» кылаас коллективтара ыллылар.

«Толкуйдаа. Оонньоо. Кыай.» интеллектуальнай  оонньууга  төрөппүттэр  көхтөөхтүк кытыннылар.  Бу күрэ5и директоры  иитэр үлэ5э солбуйааччы Ядрихинская А.И. уонна улуустаа5ы  О5о библиотекатын  үлэhитэ Бочкарева В.Е. иилээн –са5алаан дириҥ ис хоhоонноохтук  ыыттылар.  2 кылаастар холбоhуктаах  хамаандалара кыайыылаа5ынан ааттаннылар. Бары кыттыбыт хамаандалар өйдөбүнньүк бэлэх тутан үөрэ – көтө тар5астылар.

«Саха  суруйааччылара о5олорго » презентация күрэ5эр  киирбит үлэлэри  оскуола уонна  О5о  библиотекатын үлэhиттэрэ сыаналаатылар. Төрөппүттэр  көхтөөхтүк кыттаннар  10 кыайыылаа5ы таhаардылар.

О5о библиотекатын үлэhитэ Саввина Ф.Н. учууталларга  хабылык, хаамыска оонньууларыгар маастар-кылаас ыытта.

Уруоктар икки ардыларыгар оhуохайдаатылар, өбүгэлэрбит оонньууларын оонньоотулар.

Бу нэдиэлэ чэрчитинэн маҥнайгы кылаастарбыт сахалыы бастакы кинигэлэрин бүтэрэн «Баhыыба, Буукубаар!» бырааhынньыктара тэрээhиннээхтик ыытылынна.  Кырачааннарбыт үс чиэппэр устата оскуола5а кэлэн тугу билбиттэрин-көрбүттэрин  хоhоон аа5ан, ыллаан, үҥкүүлээн, сценкалаан «Билии дойдутун устун» хайдах айаннаан иhэллэрин көрдөрдүлэр.  Кинилэри оскуола директора  Слепцова Н.Г.,  төрөппүттэрэ, оскуола учууталлара э5эрдэлээтилэр.

Төрөөбүт тылын үчүгэйдик билэр о5о тэтимнээхтик сайдар, айымньылаахтык  толкуйдуур, иитиэхтээбит санаатын сайа этэр кыахтанар.

Кириллина О.М. , методическай холбоhук салайааччыта